-- Advertisements --
ILOILO CITY – Patuloy ngayon ang ginagawang monitoring ng mga otoridad matapos naitala ang serye ng gang war sa Lungsod ng Iloilo.
Napag-alaman na apat ang nasugatan sa nangyaring gang war sa Sunburt Park sa JM Basa Street, Iloilo City Proper.
Sa eksklusibong panayam ng Bombo Radyo Iloilo kay Punong Barangay Noel Soliman ng Rizal Pala-Pala 2, Iloilo City Proper sinabi nito na ang lider ng Sperm Gang ay residente ng kanilang lugar.
Sa ngayon ayon sa opisyal, inaalam pa nila kung muli na namang nagbalik ang Sperm Gang at Imo M Pusa na tumutukoy sa pribadong parte ng kababaihan.
Napag-alaman na isa sa mga initiation ng gang ay ang pakikipagtalik.
