Ikinasal na ang actor na si Geoff Eigenmann sa fiancee nitong singer na si Angeli Mae Flores o kilala bilang si Maya.
Ginanap ang pag-iisang dibdib ng dalawa sa Victory Christian Fellowship Church sa Alabang, Muntinlupa.
Pawang mga malalapit lamang na kaibigan at kaanak ang inimbitahan sa okasyon na ginanap nitong hapon ng Pebrero 22, 2022.
Pinangunahan ni Bodie Cruz ang anak nina Tirso Cruz III at Lynn Ynchausti ang kasal na siyang kaibigang matalik ng actor noong bata pa.
Ginanap naman ang reception ng dalawa sa Italian restaurant na pag-aari ng pamilya ng actor na si Matteo Guidecelli.
Noong Abril 2019 ng inanunsiyo ng dalawa ang kanilang engagement.
Unang itinakda ang kasal noong Abril 2020 subalit dahil sa COVID-19 pandemic ay kanila itong ipinagpaliban.
