-- Advertisements --
Pangungunahan nina SJ Belangel, Kai Sotto at Ange Kouame ang Gilas Pilipinas na haharap sa bansang Indonesia para sa FIBA Asia Cup Qualfiers mamayang ala-6 ng gabi sa AUF Gym sa Pampanga.
Kabilang din na maglalaro laban sa Indonesia sina Javi Gomez de Liano, Mike Nieto, Jeydee Tungcab, Leborn Lopez, Geo Chiu, Jordan Heading, Isaac Go, Dwight Ramos, Justine Baltazar, Carl Tamayo at RJ Abarrientos.
Pasok na ang Gilas sa 2021 FIBA Asia Cup sa Agosto dahil sa panalo laban sa Korea 81-78 noong nakaraang araw.
Sa kasalukuyan ay mayroong apat na panalo at walang talo ang Gilas habang ang Indonesia ay mayroong isang panalo at tatlong talo.
