Ginulat ng Gilas Pilipnas ang New Zealand 93-89 sa 2nd window ng FIBA Asia Cup Qualifiers.
Ito ang unang pagkakataon na tinalo ng Pilipinas ang New Zealand sa laban na ginanap sa Mall of Asia Arena.
Dumaan sa 16-0 run ang Gilas para mabaligtad ang apat na puntos na kalmaangan ng Tall Blacks at makuha nila ang 72-60 na kalamangan sa third quarter.
Bumida sa panalo ng Gilas si Justin Brownlee na nagtala ng 26 points, 11 rebounds at apat na assists habang mayroong 19 points, 10 rebounds at pitong assists si Kai Sotto.
Dahil sa panalo ay nananatiling wala pa ring talo ang Gilas 3-0 win-loss record sa Group B.
Sakaling manalo sila sa Hong Kong sa araw ng Linggo ay tiyak na ang pagpasok nila sa Asia Cup na gaganapin sa Jeddah Saudi Arabia.
Tinalo kasi ng Chinese-Taipei ang Hong Kong 85-55 na ginanap nitong Huwebes din ng gabi.
