-- Advertisements --
Hindi uuwing talunan ang Gilas Pilipinas Women’s sa 2021 FIBA Womens’ Asia Cup matapos na talunin nila ang India, 74-70 sa classification match na ginanap sa Amman, Jordan.
Dahil sa panalo ay mananatili ang Pilipinas sa Division A at naiwasan na itapon sila sa Division B ng torneo.
Kapwa nakapagtala ng 22 points sina Janine Pontejos at Khate Castillo.
Sa pagtatapos ng half-time ay hawak pa ng India ang kalamangan, 34-39 nang mahabol ito ng Gilas sa pagpasok ng 2nd half hanggang sa pagtatapos ng laro.
Magugunitang walang panalo ang women’s basketball team ng bansa ng makaharap ang China, Australia at Chinese Taipei sa Group B ng nasabing torneo.
