CAUAYAN CITY- Inaresto ang isang ginang sa isinagawang anti illegal drug buybust operation ng mga kasapi ng Cauayan City Police Station at Phil Drug Enforcement Agency ( PDEA ) region 2
Ang inaresto ay isang ginang na 29 anyos, residente ng Barangay Lanting, Roxas, Isabela.
Sa nakuhang impormasyon ng Bombo Radyo Cauayan, isinagawa ng mga otoridad ang operasyon sa barangay San Fermin, Cauayan City.
Nasamsam sa pag-iingat ng suspect ang isang sachet ng hinihinalang shabu na may timbang na 0.51 gram.
Nasamsam din sa suspect isang keypad cellphone at mahigit isang libong piso.
Anminado ang ginang na nasamsam sa kanya ang illegal na droga at nagawa niya ito dahil sa problema sa pamilya.
Dinala ang suspect sa himpilan ng pulisya para sa kaukulang disposisyon at inihahanda na ang kasong paglabag sa republic Act 9165 ( Comprehensive Dangerous Drugs Act of 2002 ).
