-- Advertisements --
Sumiklab ang isang grassfire sa bulubunduking lugar ng Timberland Heights sa bayan ng San Mateo lalawigan ng Rizal.
Naganap ang sunog pasado alas 6 ng gabi kagabi batay na rin sa mga residente doon.
Agad namang dumating ang mga tauhan ng Bureau of Fire Protection para apulahin ang sunog.
Ayon sa mga residente, maaaring naging dahilan ng grass fire ang tuyong mga damo sa lugar.
Wala namang naiulat na nasaktan sa naturang insidente.
Panawagan ng mga otoridad sa publiko na kaagad na iulat sa kanila ang mamomonitor na sunog para mas mabilis na maaksyunan at maapula.
