Agad gumanti ng panalo ang Memphis Grizzlies matapos itong pataubin ng Golden State Warriors nitong nakalipas na araw.
Ngayong araw(April 4), hinarap ng Grizzlies ang Miami Heat at nagawa nitong patumbahin ang heat, gamit ang 2-point win, 110 – 108.
Pinangunahan ni Ja Morant ang kaniyang koponan at sa loob ng 32 mins ay kumamada siya ng 30 points, kasama ang limang rebounds.
Panibagong double-double performance naman ang ginawa ng small guard na si Desmond Bane at nagbulsa ng 17 points at sampung rebounds.
Hindi naging sapat ang 61 points na pinagsamang score nina Bam Adebayo (26) at Tyler Hero (35) upang pigilan ang 4th quarter comeback ng Memphis.
Sa pagtatapos ng 3rd quarter kasi ay hawak pa ng Heat ang ilang puntos na kalamangan ngunit mas dominante ang opensang ipinakita ng Memphis sa huling quarter.
Sa huli, nagawa ng Grizz na magpasok ng 26 points sa naturang quarter habang 23 lamang ang naiganti ng Heat, sa tulong na panibagong buzzer-beater at ng clutch performance ni Grizzlies guard Ja Morant.
Samantala, sa panalo ng Grizz ay nagpakitang-gilas din ang anak ni dating Chicago Bulls star, Scottie Pipen Jr. Bilang bench ng Grizzlies, nagawa ni Pippen na magapsok ng 17 points at umasiste ng pitong beses.
