Sinisi ng Samahang Industriya ng Agrikultura (SINAG) ang tinatawag nitong “unlimited” at “untested” na importasyon ng baboy sa Pilipinas sa patuloy na pagkalat ng African swine fever (ASF) sa bansa.
Sa isang pahayag, sinabi ni SINAG executive director Jayson Cainglet na dapat tingnan ng gobyerno ang pagbibigay ng tulong para sa mga local hog raisers at magsasaka, dahil walang ibinibigay na indemnification.
Aniya, hindi mahalaga kung magpapataw ng mga protocol ng paggalaw at mga hakbang sa biosecurity sa mga lokal na sakahan at transportasyon ng mga live na baboy.
Dagdag niya, nahaharap sa matinding paghihirap pagdating sa mga protocol ng ASF ang mga local producers lalo na ang mga backyard hog raisers.
Ngunit aniya, ang mga daungan ay bukas sa importasyon ng baboy kung saan walang isinasagawang pagsusuri sa ASF.
Una nang sinabi ng DA na lahat ng rehiyon sa bansa ay apektado ng ASF, maliban sa Metro Manila na walang hog raisers sa rehiyon.
