Hinimok ni Senate Minority Leader Aquilino “Koko” Pimentel III ang Government Service Insurance System o GSIS na payagan ang mga halal na opisyal at kanilang mga tauhan na magpatuloy sa pagpapadala ng mga boluntaryong kontribusyon na katumbas ng 15 taon kahit na sila ay nagsilbi ng mas kaunting bilang ng mga taon.
Sa isang pahayag, itinuro ng mambabatas ang pagkakaiba sa pagitan ng mga limitasyon sa termino ng mga inihalal na opisyal at ang minimum na kinakailangan upang maging kuwalipikado para sa programa ng pensiyon ng gobyerno, na sinasabi na binabalewala nito ang serbisyong ibinibigay ng mga pampublikong tagapaglingkod.
Umaapela umano ang senador para sa mga lokal na opisyal at kanilang mga tauhan na nagsilbi ng siyam na taon sa gobyerno ngunit hindi kwalipikado para sa pension program dahil sa 15-year minimum service requirement sa ilalim ng Republic Act 8291.
Ang Section 13-A ng RA 8291 ay nagsasaad na ang isang miyembro na nagretiro mula sa serbisyo ay may karapatan sa mga retirement benefits sa kondisyon na siya ay nagbigay ng hindi bababa sa 15 taon ng serbisyo.
Sinabi ni Pimentel na ang naturang probisyon ay unfair para sa mga empleyado ng gobyerno at mga opisyal na kulang sa minimum 15-year service requirement.
Dahil dito, nagpahayag siya ng kagustuhang mag-sponsor ng panukalang batas kung kailangan ng Government Service Insurance System ng legal na batayan para mapagana ang naturang panukala.
Umaasa ang senado na matingnan ito ng natura
