CENTRAL MINDANAO-Binawian ng buhay ang isang guro sa pamamaril sa lalawigan ng Maguindanao Del Sur.
Nakilala ang biktima na si Benjie Maon na guro sa isang paaralan sa Barangay Mileb, Rajah BuayanMaguindanao Del Sur.
Sugatan naman ang 7 anyos na pamangkin ng guro na tinamaan ng mga ligaw na bala.
Ayon kay Maguindanao Police Provincial Director Colonel Noel Sermese na lulan ng motorsiklo ang mga biktima sa bahagi ng Sultan Sa Barongis Maguindanao nang itoy pagbabarilin ng mga hindi kilalang mga suspek gamit ang kalibre.45 na pistola.
Agad namang tumakas ang mga salarin sakay ng motorsiklo patungo sa liblib na lugar sa bayan ng Sultan sa Barongis.
Patay on the spot ang guro na tinamaan ng bala sa ulo at dibdib habang naisugod sa pagamutan ang pamangkin nito.
Sa ngayon ay nagpapatuloy ang imbestigasyon ng Sultan sa Barongis PNP sa pamamaril sa mga biktima.
