-- Advertisements --
Bumuhos ang iyakan at sigawan kasabay ng paglabas ng resulta ng mga nakapasa mula sa 2018 board exams.
Gaya ng inaasahan, daan-daang examinees kasama ang kanilang mga ka-anak ang matyagang naghintay sa labas ng Supreme Court hanggang sa takdang oras nila ang resulta.
Sa panayam ng Bombo Radyo, ilang Bar passers ang nagbahagi ng kanilang kwento ng tagumpay at dinanas habang nag-aaral ng pag-aabogasya.
May ilan din na nagkwento ng kanilang motivation kung bakit piniling maging abogado.
Batay sa resulta, nasa 1,800 bar examiners ang pumasa mula sa higit 8,000 na nag-take noong November 2018.
Ito ay katumbas ng passing rate na 22.07-percent na mas mababa mula sa 25.5-percent passing rate noong 2017 bar exam.
