Halos 2 milyong kostumer ng Manila Electric Company (Meralco) ang naapektuhan ng rotational power interruptions noong Sabado, Hunyo 1, dahil sa red alert na ipinatupad sa Luzon Grid, ayon sa distribution utility firm.
Ayon sa Meralco, ipinatupad nila ang manual load dropping na nagtagal ng average na 1.5 oras simula alas-2:17 ng hapon, at naibalik ang serbisyo bandang alas-11:47 ng gabi. Kasama sa naapektuhan ang mga kostumer sa Batangas, Bulacan, Cavite, Laguna, Metro Manila, Pampanga, Rizal, at Quezon.
Sinabi ni Joe Zaldarriaga, tagapagsalita ng Meralco at head ng corporate communications, na dahil sa malaking kakulangan sa suplay, kinakailangan ang rotational power interruptions sa buong Luzon, kasama na ang mga lugar na pinagsisilbihan ng Meralco, upang pamahalaan ang kasalukuyang kondisyon ng sistema.
Dagdag pa niya, taos-puso silang humihingi ng paumanhin sa kanilang mga kostumer sa abalang idinulot nito. Patuloy daw nilang pinagsusumikapan na aktibong gamitin ang lahat ng demand-side management efforts para matulungan na bawasan, kung hindi man pigilin, ang mga power interruptions.
Sinabi rin ng Meralco na kanilang binawasan ng collective of 200 megawatts ang kanilang mga commercial and industrial customers.
Una nang iniulat na ang Luzon Grid ay inilagay sa red alert mula 1 ng hapon noong Sabado hanggang 12 ng hatinggabi noong Linggo, Hunyo 2, dahil sa outage ng Ilijan Block at B, na may kabuuang 1,200 megawatts. Ang available capacity ay naitala sa 12,706 megawatts, kumpara sa peak demand na 11,955 megawatts.
