KORONADAL CITY – Nasa halos 30 pamilya mula sa apat na barangay sa bayan ng Banga, South Cotabato ang naapektuhan ng malakas na hangin kasabay ng pagbuhos ng ulan sa nabanggit na bayan.
Ito ang inihayag ni Municipal Disaster Risk Reduction and Management Officer Joseph Franco na ang mga barangay na apektado ay kinabibilangan ng Barangay Cabuling, Elnonok, Rang-ay at San Vicente.
Halos made of light materials umano ang mga bahay na nasira kung saan may mga totally damaged na nawasak talaga habang may mga nilipad lamang ang bubong.
Maliban dito, may mga natumbang puno ng kahoy din at mga apektadong pananim ng mga residente sa nabanggit na lugar.
Agad umanong inilikas sa mas ligtas na lugar ang mga apektadong pamilya at binigyan ng paunang tulong gaya ng food packs at hygiene kits.
Sa ngayon nagpaptuloy pa ang damage assessment sa iniwang pinsala ng malakas na hangin.
Habang, patuloy naman ang panawagan ng opisyal sa mga residente na nakatira sa mga delikadong lugar na maging vigilante upang makaiwas sa kapahamakan na dala ng kalamidad.
