-- Advertisements --
Inianunsyo ni Sen. Bong Go na darating na bukas ang nasa 487,700 doses ng AstraZeneca vaccines mula sa COVAX Facility.
Ginawa ni Sen. Go ang anunsyo sa isang ambush interview sa Silang, Cavite ngayong hapon.
Kinumpirma naman ito ni Presidential Spokesman Harry Roque sa isang text message sa mga mamamahayag.
Inaasahang sasalubungin din ito ni Pangulong Rodrigo Duterte gaya ng ginawa sa pagdating ng 600,000 doses ng Sinovac vaccines noong Linggo.
Dapat sana ay sa nakaraang Lunes, Marso 1 ang dating ng AstraZeneca vaccines pero hindi natuloy dahil sa isyu ng global supply.
