-- Advertisements --
CAGAYAN DE ORO CITY – Matagumpay na nahuli ng iba’t ibang units ng PNP at militar ang mag-asawang nagbebenta umano ng bulto-bultong iligal na droga sa Sultan Naga Dimaporo, Lanao del Norte.
Kinilala ang mga suspek na sina Asna Minalang, 32, at Jamalodin Musa Odin, 39, pawang residente sa Purok 3, Barangay Calibo sa naturang bayan.
Sinabi ni Lanao del Norte Provincial Police Office spokesperson, PMaj. Salman Saad na gamit ang P2.8-milyong boodle money ay nabilhan ang mag-asawa ng isang kilong droga na tinatayang nagkakahalaga ng P6.8-milyon.
Ayon kay Saad, matagal nang target ng mga otoridad ang mga suspek dahil sa iligal na kalakaran.
