-- Advertisements --
Ibinahagi ni Olympic gold medalist Hidilyn Diaz ang mga naranasan nito ilang minuto bago ang kaniyang makasaysayang pagkamit ng Olympic gold medal sa weightlifting.
Sinabi nito na isang araw bago ang kumpetisyon ay kumonsolta siya sa kaniyang sports psychologist na si Dr. Karen Trinidad dahil tila nawawala na ito ng kumpiyansa sa kaniyang sarili na maisagawa ang pagbuhat.
Aminado si Hidilyn na napakabigat na pressure ang kaniyang naranasan sa nasabing kumpetisyon.
Ayon naman kay Dr. Trinidad na kanilang sinanay ang pag-iisip ni Diaz para maging malakas.
Labis naman na pasalamat ni Dr. Trinidad na gumana lahat ang mga naituro nito kay Hidilyn.
