ILOILO CITY -Patay ang isang high value target individual matapos nanlaban umano sa mga otoridad sa isinagawang drug buy bust operation sa Brgy. Lanit Jaro, Iloilo City.
Ito ay si Jason Espaltero, 32, residente ng San Jose Antique at pansamantalang naninirahan sa Rizal Estanzuela, Iloilo City Proper.
Si Espaltero ay nabilhan ng P75,000 na halaga ng shabu.
Nang malaman ni Espaltero na police poseur buyer ang kanyang naka-transaksyon, binaril niya nito at sa kabutihang palad nakasuot ng bullet proof vest.
Dito na at binaril ito ng mga pulis na siyang dahilan ng kanyang pagkamatay.
Sa panayam ng Bombo Radyo Iloilo kay Vien Camacho, Barangay Secretary ng Rizal Estanzuela, Iloilo City Proper, sinabi nito na noong nakaraang linggo, nagsagawa na ng pagsisisayat ang pulis sa kanilang lugar upang alamin ang background ng durugista.
Narekober naman sa posisyon ni Espaltero ang 17 ang mga sachet ng suspected shabu na nagkakahalaga ng 748,000.
Maliban dito, nakuha rin sa kanyang posisyon ang .45 caliber pistol na may magazine at pitong live ammunition.
