-- Advertisements --
BAGUIO CITY – Nahuli ang isang high value target ng Philippine Drug Enforcement Agency-Cordillera Administrative Region (PDEA-CAR) sa Amganad, Banaue, Ifugao sa isinagawang buy bust operation ng mga awtoridad kamakailan.
Nakilala ang suspek na si Charles Kimmayong, 33- anyos, may asawa at residente ng Viewpoint, Banaue, Ifugao.
Nakumpiska mula sa suspek ang limang gramo ng hinihinalang shabu at drug paraphernalia na may kabuuang halaga na P34,000.00
Base sa report, ang isinagawang buy bust operation ay kasunod ng interdiction operation kung saan nahuli naman ang pitong turista sa Viewpoint, Banaue, Ifugao.
