Higit 1500 pamilya , nakabili ng P20 per kilo na bigas sa Matag-ob,Leyte

Aabot sa mahigit 1,500 na pamilya mula sa Matag-ob,Leyte ang nakabili na rin ng tig-bente pesos kada kilo ng bigas.

Ito ay mula sa i-unlad Foundation kung saan tig-limang kilo ng bigas ang maaaring bilhin ng bawat pamilya.

Ayon kay i-unlad Foundation Chairman Wowie Manguera, ang naturang murang bigas ay mula sa ani ng mga magsasaka na nabigyan nila ng organic fertilizer.

Tiniyak naman ni Manguera na patuloy silang mag-iikot sa mga lalawigan para magdala ng murang bigas.

Sa Hunyo ay nakatakda naman aniya silang magdala ng murang bigas sa iba pang bayan sa Leyte at sa Laguna.