Pumalo na sa 876 ang volcanic earthquakes na naitala ng Taal Volcano Network mula sa mismong bulkan at mga karatig na lugar.
Ayon kay Phivolcs Dir. Renato Solidum, indikasyon ito ng aktibo pa ring aktibidad ng bulkan na maaaring humantong sa panibagong pagsabog.
“Such intense seismic activity likely signifies continuous magmatic intrusion beneath the Taal edifice, which may lead to further eruptive activity,” wika ni Solidum.
Maliban dito, may mga nakikita pa ring usok sa crater at paminsan-minsang pagbuga ng abo.
Umabot ang taas ng ash plumes mula 50 hanggang 600 metro ang taas at patungo ito sa southwest ng main crater.
Muli ring iginiit ni Solidum na hindi pa maibababa ang alert level, sa kabila ng pagbaba ng volcanic activity ng Taal, kumpara noong araw na ito ay nagkaroon ng pagputok.
Para sa opisyal, total evacuation pa rin ang dapat na ipatupad hangga’t hindi nagiging kalmado ang sitwasyon ng bulkan.
“Alert Level 4 still remains in effect over Taal Volcano. This means that hazardous explosive eruption is possible within hours to days. DOST-PHIVOLCS strongly reiterates total evacuation of Taal Volcano Island and high-risk areas as identified in the hazard maps within the 14-km radius from Taal Main Crater and along the Pansipit River Valley where fissuring has been observed. Residents around Taal Volcano are advised to guard against the effects of heavy and prolonged ashfall,” pahayag pa ng Phivolcs sa kanilang abiso.
