BAGUIO CITY – Arestado ang isang high value target sa buy-bust operation na isinagawa ng mga otoridad sa Brgy. Catlubong, Buguias, Benguet habang naipapatupad ang enhanced community quarantine.
Nakilala itong si Marson Ballusong, 33, magsasaka at residente ng Brgy. Dontog, Catlubong.
Nakumpiska mula sa kanya ang isang pakete ng pinaniniwalaang shabu na nagkakahalaga ng P1.3-milyon at iba pang mga drug paraphernalias.
Sa ngayon, nahaharap na ito sa kasong paglabag sa Republic Act 9165 o Comprehensive Dangerous Drugs Act of 2002.
Naaresto ito sa pamamagitan ng joint operation ng mga personnel ng Buguias Municipal Police Station, Benguet Provincial Mobile Force Company, Benguet Drug Enforcement Unit, Provincial Intelligence Unit, Regional Intelligence Division, at RIU-14.
