CEBU CITY – Arestado ang isang dating welder sa buy bust operation na isinagawa ng pulisya sa Sitio Lahing-Lahing, Barangay Mabolo, Lungsod ng Cebu.
Kinilala ang nadakip na si Roland Cosep alyas Landoy, 44-anyos na residente ng nasabing lugar.
Inihayag ni Police Lieutenant Colonel Glenn Mayam, Police Drug Enforcement Group-Visayas chief, na isang high value target si Cosep at kabilang sa target list ng Consolacion sa Cebu at ng mga kalapit na bayan.
Nakuha galing sa subject ang 48 malalaking pakete ng shabu na mahigit isang kilo ang bigat at umabot ng P8,160,000 ang halaga.
Inaalam na ng mga otoridad kung saan kumukuha ng iligal na droga si Cosep at kung sino ang amo nito.
Samantala, pinabulaanan ng subject na kanya ang mga nakuhang shabu at iniwan lang daw ito ng taong hindi naman nito kilala.
