-- Advertisements --
BAGUIO CITY – Gaganapin ngayog araw ang kick-off parade sa taunang National Scouting Month sa lungsod ng Baguio.
Ayon kay Ramon Jacinto, council scout ng Boy Scout of the Philippines Baguio-Chapter, pormal na bubuksan ang National Scouting Month bukas, araw ng Miyerkules sa ilalim ng Presidential Proclamation 1326 kung saan ginaganap tuwing Oktubre ang National Scouting Month Celebration.
Magsisimula ang parada sa harap ng hotel sa Session Road patungong Melvin Jones Mini Grandstand kung saan dito magaganap ang programa ng BSP.
Inaasahang aabot sa 12,000 girls scout at boy scouts ang makikilahok sa nasabing aktibidad.
Magaganap din sa Oktubre 14 ang pagpili sa scout officials of the day.
