CEBU – Nasabat ng City Drug Enforcement Unit (CDEU) sa Cebu City Police Office pasado alas 7 p.m. ang hinihinalang shabu na nagkakahalaga ng P4.7-M
Sa isinagawang buybust operation sa Barangay Duljo Fatima, nadakip ang suspek na si Bryan Duello Justol , 20 anyos, residente ng Sitio Reverside ng nasabing barangay.
Sa pangunguna ni Police Major Jonathan Bethoven Tañeo, sinabi nito na aabot sa 700 gramos ang timbang ng hinihinalang shabu na may street drug price value na P4.7 milyones.
Samantala, kalahating milyon naman ang halaga ng shabung nasamsam ng Talisay City Police Station sa isinagawang buy bust operation kagabi sa S. Abarquez St. Brgy. Cansojong lungsod ng Talisay.
Nakuhanan ang suspek na si Junjie Labuca Cabuenas nang 80 gramos nang shabu na aabot sa P544,000.
Nahaharap sa kasong paglabag sa RA 9165 ang mga nasabing suspetsado.
