BAGUIO CITY – Nanabik na ang mga fans at mga contestant sa Himig Hataw Night na handog ng Bombo Radyo-Baguio at Star FM Baguio.
Gaganapin ang Himig Hataw Night mamayang gabi sa Upper Session Road kasabay ng pagtatapos ng pagdiriwang sa Baguio Flower Festival o Panagbenga.
Mayroong tig-anim na finalist sa Himig Category at Hataw Category.
Ayon sa isa sa mga Himig finalist na si John Nicolas Gamboa, ipapakita nito bukas ang kanyang buong talento sa pagkanta para mapatunayan na talented ang mga taga-Baguio.
Maliban sa pagperform ng mga finalists ay inaabangan na rin ng mga solid ka-Bombo ang pagperform ni Juan Karlos Labajo sa kalagitaan ng Himig Hataw Night.
Tatanggap ng P10,000 na premyo ang mananalo sa Himig Category habang P12,000 naman sa Hataw Category at lahat ng participants ay tatanggap ng consolation prize.
Ang Himig Hataw Night ay isa lamang sa mga handog ng Bombo Radyo-Philippines at Star FM sa mga walang sawang sumusuporta sa lahat ng programa at promo ng network.
