KALIBO, Aklan—Pasasalamat sa Poong Maykapal ang tanging namutawi sa bibig ni Aive Rose Raga-as ng Barangay Sibaliw, Banga, Aklan matapos na mapabilang sa listahan ng mga topnotcher sa 2023 Licensure Examination for Teacher (LET).
Nakakuha siya ng marka na 91% kung saan, nasa Top 10 ito sa March 2023 Licensure Examination for Teachers na inilabas nito lamang May 19 ng kasalukuyang taon.
Ayon sa dalaga, pangarap niya na maging topnotcher upang makabawi sa hirap na dinanas ng kaniyang mga magulang kung saan, pinagsikapan niya ng husto sa pag-aaral.
Hindi naging madali para kay Raga-as ang kaniyang pag-aaral sa panahon ng pandemya lalo na’t mahina ang internet connection sa kanilang lugar para sa distance learing.
Inialay nito ang tagumpay sa kaniyang mga magulang, kapatid, guro at sa lahat ng mga sumuporta sa kanya.
Si Raga-as ay nagtapos na cum laude sa kursong Bachelor of Science in Education major in General Science sa Aklan State University, Banga main campus.
