Pumanaw na ang Hollywood actor na si Leslie Jordan sa edad na 67.
Ayon sa kampo nito, na nakaranas siya ng medical emergency habang nagmamaneho ng kanilang sasakyan kaya naibangga nito sa isang bahagi ng gusali sa Hollywood.
Dinala pa siya sa pagamutan subalit hindi na nito nakayanan ang matinding sugat na tinamo.
Mula sa Chattanooga, Tennessee, nakilala ang actor, wrtier, at singer sa television series gaya ng Hearts Afire, Will & Grace at American Horror Story.
Nitong COVID-19 pandemic ay naging social media sensation ito dahil sa mga nakakatawang videos nito na dahilan ng pagtaas ng kaniyang followers mula sa 80,000 Instagram followers ay naging 5.8 milyon na ito.
Nakasama rin ito sa mga pelikula gaya ng “The Help”, “Ski Patrol” at maraming iba pa.
