-- Advertisements --
Pumanaw na ang Hollywood actor na si Yaphet Kotto sa edad 81.
Kinumpirma ito ng kaniyang asawang Filipina na si Tessie Sinahon subalit hindi nito binanggit ang dahilan.
Nakilala ito sa pagganap bilang kontrabida sa mga pelikulang “Midnight Run”, “Alien” at “Live and Let Die”.
Galing sa Cameroon ang mga magulang subalit isinilang na ito sa New York City kung saan nag-aral ito ng pag-arte noong kabataan niya.
Unang lumabas ito sa teatro noong dekada 50 sa Broadway na “The Great White Hope”.
Ikinasal ito sa asawang Pinay noong 1998 kung saan kasal na ang actor ng dalawang beses at mayroon na anim na anak.
