Hotshots nagpalit ng import bago ang final elimination

Nagpalit na ng import ang Magnolia Hotshots para sa final elimination round assignment ng PBA Commissioner’s Cup laban sa TnT Katropa.

Ipinalit ng koponan kay James Farr si Rakeem Christmas.

Ang 27-anyos na si Christmas ay dating second round pick ng Minnesota Timberwolves noong 2015 NBA draft.

Naglaro din ito ng dalawang season sa Indiana Pacers.

Nagdesisyon ang Magnolia na magpalit ng import dahil sa tatlong magkakasunod na pagkatalo kung saan mayroon na silang 5-5 win-loss record na nasa panglimang puwesto katabla ang San Miguel Beermen.