Pipilitin umano ng NBA superstar na si Russell Westbrook na mabigyan ng kampeonato ang Houston Rockets.
Ginawa ni Westbrook ang pahayag kasabay nang pormal na pagpapakilala sa kanya ng Houston Rockets matapos na makuha mula sa Oklahoma City Thunder sa pamamagitan ng limang taon na supermaximum contract.
Kumpiyansa si Westbrook na dati ring MVP at triple double king na mas lumaki ang kanilang tiyansa na umabot sa championships lalo na at magsasama sila ng puwersa ng dati ring MVP na si James Harden.
“We both understand that we have one common goal and that’s to win a championship. We understand what we have to do. I’m not worried about it, and I know James isn’t worried about it. I can play off the ball; I don’t have to touch the ball to impact the game. That’s the best way for me to come in and impact this team. I can do other things on the floor to make sure we have a better chance to win.”
Liban dito bilib din si Russell kay coach Mike D’Antoni na madiskarte sa loob ng court.
Sina Westbrook at Harden ay kabilang sa kinikilala sa liga bilang “most ball-dominant players in NBA history.”
Ang dalawa ay dating magkasama ng tatlong seasons sa Oklahoma City na nagtapos noong taong 2012.
Pero si Harden ay na-trade patungong Rockets bago ang pagsisimula ng 2012-13 season.
