-- Advertisements --
Kinumpirma ng actor na si Hugh Jackman na mayroon silang relasyon ng actress na si Sutton Foster.
Ang nasabing kumpirmasyon ay matapos ang paghihiwalay ng bawat isa sa kani-kanilang mga partner.
Naging malapit ang dalawa matapos na magsama sa Broadway musical na “The Music Man” noong 2022.
Mula noon ay nakikita ang dalawa na magkasama sa publiko kaya marami ang nagtaka.
Huling nakita ang dalawa sa isang dinner date sa Santa Monica, California nitong Enero 6.
Magugunitang noong Setyembre 2023 ay inanunsiyo ng actor na hiwalay na ito sa asawang si Deborra-Lee Furnss matapos ang 30 taon na pagsasama.
Habang noong nakaraang taon ay inanunsiyo ng 49-anyos na actress na hiwalay na ito sa asawa sa loob ng 10 taon na si Ted Griffin.
