Sa naturang pasaring, nakasaad na hindi obligado si Ian na ipaliwanag ang kanyang sarili para sa mga taong nais lang pagpiyestahan ang kanyang personal na buhay.
Idinaan lamang ni Ian Veneracion sa isang photo message ang tila sentimyento nito matapos maugnay sa mas nakababatang artista na si Sue Ramirez.
Wala itong direktang tinukoy pero para sa mga netizen, halata raw na patungkol ito sa kinasangkutang kontrobersya.
Inamin ng 45-year-old actor na siya ay dismayado, pero giit na masaya ito sa kanyang married life.
Sa panig ng 24-anyos na si Sue, dedma ito sa isyu, bagkus ay ang baguhang aktor na kanyang boyfriend na si Javi Benitez ang mismong nagtanggol sa kanya.
Si Javi ay anak ng dating kongresista na si Albee Benitez.
Nabatid na ikinasal si Ian noon pang 1997 sa isang industrial engineer at nabiyayaan sila ng tatlong anak.
Kung maaalala, minsang ipinagmalaki ni Veneracion ang only daughter nito na umamin daw sa kanila na lesbian at nais magka-girlfriend.
