Tila ayaw paawat nina Derek Ramsay at Ellen Adarna sa ilang araw nang usap-usapan sa online world na mga kissing photos nila sa gitna ng physical fitness routine.
Matapos kasi ang pakulo nila na paghahalikan habang nagyo-yoga noong nakaraang linggo, sinundan naman ito ng pagbuhat ni Derek sa mga binti ni Ellen habang naghahalikan pa rin.
Sa paglalarawan ng 33-year-old sexy actress, alam nitong may mga naiirita sa kanilang trip ng 44-year-old actor pero enjoy lang sila sa kakaibang paraan ng pag-work out dahil hindi rin naman makalabas ng bahay.
Bagama’t may mga nang-aalaska sa pakulo ng engaged couple, may mga nagpahayag din na nais nilang gayahin ang ganoong kissing exhibition nina Derek at Ellen.
Kung maaalala, nitong Abril nang gulatin ni Ramsay ang publiko nang alukin ng kasal si Adarna kung saan ngayong taon target na maikasal gayong kilala ito sa pagkakaroon ng long time girlfriend pero nauuwi sa hiwalayan.
Bago kasi kay Ellen, huling nakarelasyon nito ang naka-love team na si Andrea Torres, at ang iba pa mula sa showbiz na sina Cristine Reyes, Solenn Heussaff, at longtime relationships sa aktres na si Angelica Panganiban gayundin sa wellness speaker na si Joanne Villablanca.
Napag-alaman na pinili ni Ellen na lumipat sa bahay ni Ramsay sa halip na bumalik ito sa kanyang home town sa Cebu.
