Roxas City – Preparado na ang Philippine Red Cross o PRC-Capiz Chapter at Local Government Unit ng Sigma, Capiz sa isasagawang Dugong Bombo 2020 ngayong araw ng Biyernes, Nobyembre 13, 2020 sa Civic Center sa bayan ng Sigma, Capiz.
Ayon kay Municipal Health Officer Dr. Ma. Teresa Tan na isasagawa ang bloodletting activity sa tulong rin ng mga LGU’s at Bombo Radyo Philippines sa pamamagitan ng Dugong Bombo 2020 sa kabila ng COVID-19 Pandemic.
Aniya na mahigpit pa rin na ipapatupad ang mga minimum health protocols sa mga blood donors katulad na lamang ng pagsuot ng facemask, faceshield at pagsunod ng social at physical distancing.
Dagdag pa nito na malaking tulong ito sa mga pasyente na nangangailangan ng dugo.
Samantala makakatanggap naman ng Dugong Bombo 2020 Special Edition T-shirt at mga vitamins ang magiging successful blood donors.
