KYIV – Ilang dosenang bangkay ng mga sibilyan sa Ukraine ang natagpuan sa nayon ng Buzova malapit sa Kyiv sa harap nang pagkakatuklas ng mga awtoridad sa marami pang mass grave matapos na umatras ang mga Russian forces sa kanilang opensiba sa capital city ng Ukraine at itinuon ang kanilang kampanya sa east side ng bansa.
Ayon kay Taras Didych, head ng Dmytrivka community kabilang na ang Buzova, may mga bangkay na natagpuan malapit sa isang gasolinahan.
Pero hindi pa tukoy sa ngayon ang kabuuang bilang ng mga namatay.
Mababatid na sa mga nakalipas na linggo, umani ng panibagong pagbatikos ang dumaraming bilang ng mga nasawi sa gitna ng giyera.
Partikular na ang ilang daang nasawi sa bayan ng Bucha, na hanggang noong nakaraang linggo ay okupado pa ng Russian forces.
Kaya naman inaakusahan ng Ukraine at ng mga Western countries ang Russia nang war crimes sa mga kaganapan sa Bucha.
