Ilang aktibidad ang idinaos ng mga tagasuporta ni dating Pangulong Corazon C. Aquino ngayong araw para sa pag-alala ng kaniyang 92nd birth anniversary.
Isang pagtitipon ang isinagawa sa Intramuros, Manila, habang may mga nag-alay din ng bulaklak sa himlayan ng mga Aquino sa Manila Memorial Park sa Paranaque City.
May mga nagtipon-tipon din sa Plaza Roma sa Intramuros, Manila, kung saan may ilang yellow supporters ang dumalo.
Namataan din ang ilang kandidato at mga miyembro ng progresibong grupo.
Matatandaang gumawa ng kasaysayan si dating Pangulong Cory, bilang kauna-unahang babaeng presidente ng Pilipinas.
Ngunit pumanaw siya noong Agosto 1, 2009 dahil sa colon cancer.
Siya ang ina ni dating Pangulong Benigno “Noynoy” Aquino III at asawa ni dating Sen. Benigno “Ninoy” Aquino Jr.
