Kabilang sina Paris Hilton, Billy Cristal at Adam Brody ang nagdadalamhati ngayon matapos na matupok ng wildfire ang kanilang bahay sa Los Angeles.
Kasama ang kanilang ari-arian sa mahigit 1,000 na mga kabahayan at mga sasakyan ang nasira ng anim na magkakahiwalay na sunog.
Pinakamatinding nadamay ay ang malaking bahagi ng Pacific Palisades kung saan ilang daang libong hektarya ng lupain ang nasunog.
Hindi naman maiwasan na maiyak ng actor na si James Woods matapos na lamunin ng apoy ang kaniyang ipinundar na ari-arian sa Pacific Palisades.
Habang ang hotel heiress na si Paris Hilton ay natupok ang kaniyang bahay sa Malibu.
Ang nasabing bahay ay maraming mga alaalang iniwan kung saan nagpaabot na lamang ito ng pakikiramay sa mga naapektuhang mga biktima.
Maituturing naman na mapalad na mga celebrities sina Tom Hanks at Steven Spielberg dahil ang kani-kanilang bahay ay hindi nadamay sa sunog.
Sa kani-kanilang social media account ay nagpasalamat na lamang sila dahil sa hindi nadamay ang kanilang bahay habang ang katabing bahay nila ay tinupok ng malaking apoy.
