CEBU CITY – Nanawagan ngayon ng tulong ang ilang mga residente ng Sitio Riverside, Brgy. Lawaan tres, sa lungsod ng Talisay, sa lalawigan ng Cebu matapos umapaw ang isang ilog at inanod ng tubig-baha ang kanilang mga bahay.
Dahil sa malakas na buhos ng ulan noong sabado ng gabi, lalo na sa kabundukan, umapaw ang tubig-baha sa Mananga River at nanalasa sa mga kabahayan sa lowland area .
Kina-umagahan, tumambad sa mga residente ang putik na pumasok sa mga bahay at sumira sa mga gamit ng mga residente.
Subalit, Isa sa mga residente na si Elvin Geredia ang nababahala dahil inanod ng tubig-baha ang kanyang bahay sa kasagsagan ng pag-apaw ng ilog.
Dagdag pa ni Geredia na bigla-bigla lang ang pangyayari lalo at hindi inaasahan ang pagragasa ng tubig-baha .
Nanawagan ngayon ito ng ayuda at tulong kagaya ng pagkain at damit lalo na sa lokal na pamahalaan ng lungsod ng Talisay.
