-- Advertisements --
Naibigay na ng gobyerno ang inaasam na pagkilala kay 1996 Atlanta Olympic silver boxing medalist na si Mansueto “Onyok” Velasco.
Kasama kasi si Velasco na binigyan ng parangal kasabay ng mga nagwagi sa 2020 Tokyo Olympics.
Mismong si Pangulong Rodrigo Duterte ang naggawad ng Order of Lapu-Lapu, rank of Kamagi at P500,000 na cash mula sa Office of the President dahil sa tagumpay nito sa Olympics 25 taon na ang nakakalipas.
Tinawag ng Palasyo na kapabayaan ng nagdaang mga gobyerno ang nasabing hindi pagbibigay ng pagkilala kay Velasco.
Magugunitang ibinunyag ni Velasco noong kasagsagan ng Tokyo Olympics na hindi pa niya natatanggap ang ilang mga pagkilala mula ng magwagi ito sa 1996 Atlanta Olympics.
