-- Advertisements --
Dumating na sa Poland ang eroplanong lulan ng mga sundalo ng US.
Ang nasabing mga sundalo ay siyang tutulong sa NATO allies sa Eastern Europe dahil sa banta ng paglusob ng Russia sa Ukraine.
Ayon sa Pentagon na mayroong 1,700 na sundalo na karamihan ay mula sa 82nd Airborne Division sa Forth Bragg, North Carolina ang itinalaga sa Poland.
Sinabi ni 82nd Airborne Division chief US Army Major General Christopher Donahue, na isang mahalagang kontribusyon nila ang pagsuporta sa mga kaalyado nilang mga bansa.
Ayon naman kay Polish Defense Minister Mariusz Blaszczak na pawang mga elite unit ang mga sundalo ng US ang dumating sa kanilang bansa.
