-- Advertisements --
Pinatawan ng NBA ng kaparusahan ang ilang mga manlalaro matapos ang naganap na rambulan sa pagitan ng Detroit Pistons at Minnesota Timberwolves nitong araw ng Lunes.
Ayon kay NBA Executive VP at head of basketball ops Joe Dumars, na kabilang na pinatawan ng dalawang larong suspensiyon si Isaiah Stewart ng Pistons.
Si Stewart kasi umano ang siyang nag-udyok para magkaroon ng kaguluhan sa basketball court.
Habang isang larong suspensiyon ang ipinataw kina Ron Holland at Marcus Sasser ng Pistons ganun din kay Naz Reid at Donte DiVincenzo ng Minnesota.
Nagsimula ang insidente ng komprontahin ni Reid si Holland dahil sa defensive foul na hanggang tumulong na ang ibang mga manlalaro.
