Ilang transmission lines, hindi available dahil sa epekto ng bagyong Aghon

Hindi available ang ilang transmission lines ng National Grid Corporation of the Philippines (NGCP) dahil sa epekto ng bagyong Aghon

Kabilang sa mga ito ang Palanas Cara-Allen 69kV Line mula kaninang 4:54am kung saan apektado ang mga customer ng Norsamelco.

Gayundin ang Paranas-Quinapondan 69kV Line mula kaninang 1:18am kung saan apektado ang mga customer ng ESAMELCO.

Kaugnay nito, pinakilos na ng NGCP ang line crews nito at kasalukuyang nagsasagawa na ng pagpapatrolya para inspeksiyunin at i-assess ang epekto ng bagyo sa operasyon at mga pasilidad nito.

Nagsasagawa na rin ng tuluy-tuloy na pagbabalik ng suplay ng kuryente sa mga lugar na accessible na.