Brgy. kagawad arestado dahil sa baril at mga bala

DAGUPAN CITY – Arestado ang isang incumbent barangay kagawad sa bayan ng Sta. Barbara, Pangasinan.

Ito ay matapos mahulihan ng baril at mga bala si Kagawad Rene Poserio, residente ng Barangay Dalongue sa nabanggit na bayan.

Sa implementasyon ng search warrant sa kanyang tahanan, nakuha sa kanyang pag-iingat ang Orinco model 77B 9X19mm na mayroomg defaced na serial number, magazine ng caliber 9MM, at walong bala para sa kaparehas na kalibre.

Samantala, dinala na ang suspek sa opisina ng Criminal Investigation and Detection Group na nakabase sa Dagupan City at maging ang mga nakumpiskang ebidensiya sa kanya.