LAOAG CITY – Dead-on-arrival ang isang babai, 57 anyos habang nanatili naman sa ospital ang iba pang limang indibidwal matapos nagbanggaan ang isang pampasahero na jeep at kotse sa Barangay Balacad sa lungsod ng Laoag.
Ayon sa imbestigasyon, galing sa bayan ng Paoay ang jeep habang ang kotse ay pauwi na sana sa bayan ng Currimao.
Nakilala ang driver ng kotse na si Daniel Fernando na may limang pasahero habang ang driver ng jeep ay si Mr. Danilo Tonelada kung saan nasa mabuti siyang kalagayan.
Aniya, kahit nasa maayos na pakiramdam ang driver ng jeep ay iminungkahi ng mga rumusponde na gamotin ito.
Sa ngayon, hindi pa alam ng mga awtoridad kung lasing ang driver ng jeep nung nangyari ang aksidente.
Samantala, patuloy pa rin ang pagkalap ng mga karagdagang detalye ang mga pulis tungkol dito.
