Isa patay at isa ang sugatan sa pamamaril sa Pikit Cotabato

CENTRAL MINDANAO-Binawian ng buhay ang isang tricycle driver sa pamamaril sa probinsya ng Cotabato.

Nakilala ang biktima na si Norhanin Samama na residente ng Brgy Buliok Pikit Cotabato habang isa ang sugatan.

Ayon sa ulat ng Pikit MPS na pinagbabaril ang mga biktima malapit sa public market sa bayan ng Pikit ng mga hindi kilalang suspek gamit ang kalibre.45 na pistola.

Kapwa dinala sa Cruzado Medical Hospital ang mga biktima ngunit binawian ng buhay si Samama.

Sa ngayon ay nagpapatuloy ang imbestigasyon ng Pikit PNP sa pamamaril sa mga biktima.