CENTRAL MINDANAO-Binawian ng buhay ang isang lalaki at isa ang sugatan sa pamamaril sa Cotabato City.
Nakilala ang nasawi na si Abdulazis Butokan alyas Droga,28 anyos habang sugatan ang kanyang kaibigan na si Not Tayuan,19,mga residente ng Barangay Kalanganan Cotabato City.
Ayon kay CCPO Station 2 Commander Major Amil Andungan na habang sakay ang mga biktima ng motorsiklo sa bahagi ng Sinsuat Avenue Barangay Rosary Heights 4 sa lungsod ay bigla silang pinagbabaril ng mga hindi kilalang suspek gamit ang 9mm pistol.
Mabilis namang tumakas ang mga salarin habang naisugod sa Cotabato Regional and Medical Center (CRMC) ang magkakaibigan ngunit hindi na umabot ng buhay si Butokan habang nasa maselang kondisyon si Tayuan.
Sa ngayon ay nagpapatuloy ang imbestigasyon ng Cotabato City PNP sa pamamaril sa mga biktima.
