Nanawagan si Senate Minority Leader Aquilino Pimentel III sa mga economic managers ng Pilipinas na bilisan ang mga solusyon sa tumataas na inflation sa bansa.
Ayon kay Senator Pimentel, ikinalulungkot ng mga senador ang kakulangan ng mga konkretong plano at mabilis na action upang matugunan ang problema.
Aniya, sa halip na tumuon sa Maharlika Investment Fund, ang lahat ng mga opisyal ay dapat na nakatuon din upang tugunan ang malubhang problema ng inflation.
Dagdag dito, ang mataas na presyo ng pagkain, paupahang pabahay, kuryente at tubig ay higit pang nagtulak sa inflation rate ng bansa sa pinakamataas na 8.7 percent mula noong 9.1 percent na naitala noong November 2008.
Ayon sa senador, hindi aabot sa taas na 11.2 percent ang inflation ng pagkain kung ang gobyerno lamang ay nagtatakda ng mga hakbang upang subaybayan at palakasin ang produksyon ng agrikultura at bigyan ng kapangyarihan ang maliliit na magsasaka at mga producer ng pagkain.
