CEBU – Arestado ang isang traffic investigator sa lungsod ng Cebu matapos inireklamo ng pangungutong sa isang traffic violator sa MJ Cuenco, Brgy. Caretta.
Naaresto ang suspek na si Roger Cadutdut, Cebu City Traffic Office Inevstigator sa pamamagitan ng entrapment operation na isinagawa ng Criminal Investigation and Detection Group (CIDG-7).
Ayon kay CIDG-7 Director PCol Ireneo Dalogdog, humingi ng tulo sa kanilang tanggapan ang Officer-In-Charge ng CCTO na si Lyntoni Alburo matapos inireklamo ang kanyang tauhan ng pangungutong.
Nakuhanan pa umano ng video ang suspek sa mismong sinita nito na motorista na lumabag sa traffic rules.
Kaugnay nito, nanawagan ang CIDG-7 at ang CCTO sa publiko na hindi mag dalawang isip na humingi ng tulong mula sa mga otoridad.
