Italy, nahigitan na ang China sa death toll sa coronavirus

Nahigitan na ng Italy ang China sa dami ng mga namatay matapos dapuan ng coronavirus disease 2019 o COVID-19.

Mayroon na kasing 3,405 ang nasawi sa Italy dahil sa coronavirus habang ang China ay mayroong 3,245.

Bagamat may ipinatupad ang Italy na total lockdown pero marami pa rin ang nadapuan ng nasabing virus.

Kinumpirma naman ng China na wala na silang naitatalang bagong domestic cases.

Ito raw ang unang pagkakataon mula ng magsimulang kumalat ang virus noong buwan ng Disyembre.

Nagtala naman ang nasabing bansa ng bagong 34 na kaso na mula sa mga tao na umuwi sa China.